2013年下半年粵語新歌 - 第五話

話咁快就到十一月尾喇，各歌手係呢個時候梗係不斷出歌出碟，希望做個勢出黎到年尾拎獎啦！！

原來鄭融出道已經成十年喇，真係不知不覺喇！佢將會係黎緊十二月開佢第一個大型演唱會，唔知大家買左飛呢～

開演唱會之前，多數都會有首快歌，今次就黎聽下佢首新既快歌，仲搵左好久不見既陳少琪黎填詞。

Live Like 18－鄭融

曲: 莊冬昕

詞: 陳少琪

除左鄭融就黎開Concert外，仲有陳柏宇，佢比鄭融仲早開，佢係十一月尾就開喇！

好欣賞近期陳柏宇既新賞試，首首都唔錯，今次呢首亦都係唔錯架！

陳柏宇－矛盾大對決

曲：恭碩良／Kelvin Avon/馮翰銘

詞：梁柏堅

是時候－Rubberband

作曲：Rubberband

填詞：Tim Lui

一貫的Rubberband風格（我自己有時覺得聽佢地啲歌好眼訓。。。。）

遠在咫尺－陳奕迅

曲: Eric Kwok

詞: 林若寧

鄭秀文終於出新歌喇！佢既歌真係好有水準～今次首歌聽完後好high!!正！！

鄭秀文－荒漠甘泉

作曲: 藍奕邦 / James Ting

填詞: 黃偉文 

美麗到不能－藍奕邦

曲／詞：藍奕邦

最近很愛的一首歌，很好聽，好正面，好感動！

薄情歌－C allstar

曲 : Lyle Chan@搞大音樂

詞 : 黃偉文

想一次過重溫今年有乜廣東歌既話，可以到我playlist:

http://www.youtube.com/playlist?list=PL8rfR_6kgh_CQh6ItLiFH2Y_kTppkKbLK

----------------------------------------------------

想得到最新既資訊, 請like我既facebook page!

我們都是聽粵語流行曲長大的 | Promote your Page too

逝世10周年群星追思 學友：無林振強就無今日的我 (星島日報)

轉載自: http://hk.news.yahoo.com/%E9%80%9D%E4%B8%9610%E5%91%A8%E5%B9%B4%E7%BE%A4%E6%98%9F%E8%BF%BD%E6%80%9D-%E5%AD%B8%E5%8F%8B-%E7%84%A1%E6%9E%97%E6%8C%AF%E5%BC%B7%E5%B0%B1%E7%84%A1%E4%BB%8A%E6%97%A5%E7%9A%84%E6%88%91-223000788.html

逝世10周年群星追思 學友：無林振強就無今日的我
星島日報 – 2013年11月18日星期一


(綜合報道)(星島日報報道)填詞人林振強逝世10周年，與林振強合作無間的歌手前晚在追憶音樂會上演唱對方經典作品，憑歌曲《每天愛你多一些》踏入事業高峰的張學友，在台上直言：「如果無林振強，就無今日嘅張學友。」

　　文：張穎芝 圖：莫慶輝

　　前晚《拉闊思念會 追憶林振強》於亞洲國際博覽館舉行，張學友、林子祥、林憶蓮、劉美君、陳慧嫻獻唱林振強經典金曲，林振強太太與兒子低調到場，陳潔靈指林太表示多謝大家對老公的厚愛和支持，另外，還有林振強家姐林燕妮、陳奕迅、徐濠縈、陳裘大、林夕、陳潔靈等。

　　每位歌手細說與林振強合作感受，壓軸出場的學友首先演唱林振強寫給他最後一首歌《沒有童話時》，亦因為林振強的童心和真，與其他填詞人有所分別。學友感到非常有幸演唱很多林振強作品，可偷偷看到林振強的內心世界，並指對方對樂壇及對他有多重要，直言:「如果無林振強，就無今日嘅張學友。」全場即拍掌和應，隨即獻唱《每天愛你多一些》、《愛是永恆》、《真情流露》。

　　常約劉美君講秘密

　　林憶蓮的男友恭碩良擔任演唱會鼓手，前晚與憶蓮再度合作，倫永亮則鋼琴伴奏。憶蓮表示對林振強的傾慕、尊敬及愛，大家也感受到，覺得對方很可愛和幽默，寫下很多動人故事。陳慧嫻獻唱《傻女》、《千千闕歌》時反應熱烈，她與林合作很多次，但從未見過真人，笑稱或者大師級不理瞅當年她這個o靚妹。自爆快將榮升嫲嫲的劉美君，透露男孫將於明年2月出世，她在台上指林振強最錫是她，不時約食飯講秘密，不開心對方又會安慰她，又自爆當年唱不出歌詞露骨的《事後》，與林傾談後即放開演繹得來。

　　填詞人林夕錄了片段，自爆太敬佩林振強，覺得藝名姓林特別威水，因而改名為林夕。他指對方為梅艷芳寫了很多作品，讚林振強是高手，在阿梅身上真是「文字劉培基」。林夕很喜歡《傻女》一句：「穿起你的毛衣，從此每天飾演你」，多年後他為王菲寫了《曖昧》，對歌詞「你的衣裳今天我在穿」滿意到不得了，自滿了一段日子，但再多年後發現歌詞與《傻女》相似，突然一頭冷水淋下，原來對方歌詞不經意入腦，笑說：「當然我唔係直接抄襲，我唔會承認。」黃偉文亦說因林振強自己才當填詞人，又指說「香港樂壇已死」的人真是文盲。

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

【念林振強】林夕：佢打開我心裏度門 (蘋果日報)

轉載自: http://hk.apple.nextmedia.com/enews/realtime/20131116/51906422
2013/11/16

【念林振強】林夕：佢打開我心裏度門

林夕原名梁偉文，為何筆名姓林？他日前在商台訪問時解畫，原來因為太崇拜林振強，他笑說：「當時認為填詞人姓林，歌詞點都會好啲。」林振強「輕鬆地認真」的處事態度，亦影響了林夕：「唔好咁緊張，眉頭唔好皺住寫詞，林振強第一首作品《眉頭不再猛皺》，呢首歌打開咗我心裏面度門，令我反思學習呢種態度。」

林夕最欣賞林振強的歌詞有故事性、富畫面感和情節性，如張學友《每天愛你多一些》，歌詞簡單直接，層次不複雜卻成為情歌的經典，他說：「簡直將我寫嘅《你的名字我的姓氏》比下去，我雖然好歌頌愛情，但唔太識用文字去歌頌。」林夕更從林振強的歌詞上，學懂運用廣告的技巧，在歌詞中融入宣傳口號，如陳百強的《摘星》、林子祥的《生命之曲》和林憶蓮的《醒醒》。

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

第一首歌詞 被黃霑丟落垃圾筒 (蘋果日報)

轉載自http://hk.apple.nextmedia.com/enews/realtime/20131115/51904263

2013/11/15
【念林振強】第一首歌詞 被黃霑丟落垃圾筒  

轉眼填詞人林振強已逝世十周年，早前商台請來了多名填詞人包括潘源良、林夕、梁栢堅同小克作悼念。潘源良話對於好友嘅離世感覺猶如昨天；重提林振強當日患嘅時候，潘源良就話：「佢話身體唔係太舒服，得到一個要長遠搏鬥嘅病。」

至於林夕則表示一直則視林振強為偶像，更笑言自己筆名姓「林」，都係因為佢太崇拜偶像。林夕謂最難忘有次同枱食飯，自己仲緊張到口乾，傾唔到兩三句。

說起林振強，不能不提恩師黃霑。當年黃霑與林燕妮仍是情侶，並合作開廣告公司，與林振強合作無間，創造出多次經典之作。而林振強踏進填詞人之路，亦是因為黃霑。據悉林振強當年嘗試填詞，第一首作品交予霑叔過目，卻被霑叔丟進垃圾桶。對此霑叔直認不諱：「係，我冇改過佢，我睇完之後一句說話都唔講就丟落垃圾桶，我覺得咁做對佢係一個鼓勵，佢份人係咁至得。其實我成十年冇見佢，有乜資格講佢？」

當年林振強病逝，霑叔難過不已，並說：「生生死死個個都有，但佢好短命。」說話至此，霑叔頓時變得十分沉默，不欲再說下去。

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

踢爆與Wyman反面內幕 真心老友冇猜度 （蘋果日報）

Extract from: http://hk.apple.nextmedia.com/news/art/20131114/18507865

2013年11月14日 蘋果日報
踢爆與Wyman反面內幕　真心老友冇猜度
當年曾盛傳千嬅在派對上與黃偉文（Wyman）因小事反面，自此兩人不相往來，席間再提此事，問千嬅可與對方冰釋前嫌，她說：「其實認識就係一種感情嚟，只有增多無減少。𠵱家我哋有機會見番，都唔會突然間生外咗，因為冇必要扮嘢吖，真係識㗎嘛。」至於造成很多誤會，千嬅歸咎於娛圈的渲染：「我諗其實有好多唔識我哋嘅人煲大件事，娛樂圈係容易渲染一啲唔真實嘅是非，未必淨係傳媒，自己圈嘅人都好多嘢諗。」她表示假若真的還在生氣，當日便不會頂着肚子亮想Wyman的作品展。

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too