Continue - 周柏豪

遲了兩個多月才寫周柏豪這隻碟, 真的有些汗顏!

這張碟我十分鐘意, 首首歌都好好聽, 簡單來說, 好click 中我。除了<一事無成>外, 首首歌都是苦情歌, 可以讓心情不好的人發洩發洩, 令我想起以前的余文樂。周柏豪發揮水準, 一隻值得一買的唱片。

<一事無成>  -  與鄭融合唱, 輕快音樂, 好醒神的作品, 兩把聲好match。Wyman的詞也好抵死, 講一對只懂談情, 其他事都有負別人期望的情侶, 其實調轉頭看, 好多時應該先看自己的意願(無論愛情, 事業等等), 不應受別人影響, 而影響自己情緒。

得不到掌聲  得到溫馨  我愛這種清靜
為什麼  還提我  事情未定別坐定

<最後三分十六> - 周柏豪自己作曲填詞的作品, 不知是否因為自己創作, 我覺得周柏豪在這首歌的感情去得好盡, 好歇斯底里的一首歌!歌詞部份有待進步,不過歌曲旋律很好, 可能因為這類是我最鐘意的曲風。

<宏願> - 猶如聽著大男孩靜靜哭訴一段感情的結束, 林夕的詞加柏豪感動人的演繹, 很好的配搭。我覺得夕爺寫的這首詞不錯, 很易就有能幻想到個意境出來!

<傻小子> - 又是柏豪自己作曲, 十分平穩的一首歌。

<一拖再拖> - 其實幾好聽, 不過全碟來講比較遜色就是。

---------------------------------------------

全碟都很喜歡, 唱功還有進步的空間, 可惜的是今次全碟都是苦情歌, 欠缺像上隻碟<同天空>這類的勵志歌, 周柏豪形像十陽光, 可嘗試唱多些勵志或正面的歌曲, 對周柏豪這個新人好有期望, 希望他繼續努力!

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

周耀輝 阿姆斯特丹的明哥 (頭條日報) 20080417

轉載: 周耀輝 阿姆斯特丹的明哥 (頭條日報) 20080417
http://www.hkheadline.com/ent/ent_content.asp?contid=32228&srctype=g&int_split_from=1
原文應在東 Touch



　這張作品集《18變》收錄了周耀輝近5、6年為英皇唱片服務的作品，有人覺得沒有初期與達明一派合作的歌，又沒有中期為王菲 、林憶蓮 填寫的詞，這精選集並不完整，當事人都承認，但偏覺得有需要作這種回顧。「我有幻想會出一張回顧集，數數自己作過甚麼歌，但我不想『周耀輝』這三個字會放在博物館，就算是都應該在當代博物館。我不斷在轉變中，由最初幫達明寫歌，到18年後幫Twins 寫，一樣可以。」事實上周耀輝心目中是不服氣的，最不服的是一份偏見。「幫達明一派寫歌，大家先入為主會覺得歌詞內一定好有意思，會慢慢細嚼，但當知道是Twins唱，未聽已經覺得又係愛情歌呀？因為大家對年輕偶像有種觀感，從而忽視了這些作品，所以我今次想用周耀輝做主導，line up一堆作品，希望有班人會因為喜歡周耀輝的文字從而誠心去接受這些作品。」
　　大碟內有數張周耀輝的生活照。

　　重拾被遺忘的……

　　碟內有不少所謂side track，可能連歌名都未聽過，但周耀輝就覺得值得重新認識。

　　〈跟珍芳達做健身操〉容祖兒

　　「你想像到我以前是個肥仔嗎？13歲已經36吋腰，17、8歲時買唔到校服褲要訂造。直至踏入求偶的戀愛期，我便開始積極減肥，每日食少一餐，狂做運動，甚至設計出自我一套的健身操，〈跟珍芳達做健身操〉就是我的寫照。」

　　〈美麗與快樂〉Boy'z

　　「幫青春偶像寫歌有個好處，就是讓我的歌詞可接觸到年輕一群。寫這首歌前，有位親人患上厭食症，幾經努力終於復康了，後來又聽到身邊兩位朋友都有這種病，你可以想像原來有這種病的人，可以是這麼普遍。所以我想寫一首歌講美麗與快樂的關係，談論時下的瘦身潮流。瘦，是否代表了某一種美麗，有了它才會得到快樂呢？」

〈唱一首愛歌〉梁洛施
　　「好多人不信我鍾意這首歌，它是一首好香口糖的歌，好有少女情懷，好多歌會歌頌愛情，但愛情又是否這麼簡單的一回事呢？一個當時15歲女仔去唱的歌，大家又是忽略了這個聯想。」

　　〈18變〉Twins

　　「Twins作為artist，不斷去求變，但大家又見唔見到呢？有冇人欣賞過她們的努力呢？我們做了甚麼去讚賞她們的努力呢？可惜一般大眾是不會這樣去想的。」

　　〈送我一個家〉泳兒

　　「我在單親家庭成長的，對於家會有一些負面的聯想，在〈送我一個家〉這首歌，講一男一女好開心地討論買邊個單位？怎樣裝修？如何佈置？但周耀輝總會滲出另一種想法，於是會問大家由細到大，你又見過幾多個開心的家庭呢？點解我會有信心同你建立一個開心的家庭呢？」

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

盧巧音 圍牆

只因為一首『圍牆』這首歌，而買了這張碟，


歌詞娓娓道來一個孤癖又或是自閉小孩的成長故事，
很動聽亦很感人。
有時明明應該很親近的兩份愛，但卻因為種種原因，
而不能互相了解，形成代溝，
很可悲，但又要接受的現實。


我最喜歡以下的歌詞：

『成長之中有萬重帳幕 永遠碰不到兩份愛
孤癖的我漸成冷漠 看我世界裡的海
言語卻說不開 長高的我 漸建起圍牆
圍著我笑看怪異時代 收音機繼續開』

我覺得這幾句歌詞好合我自閉的性格．．．

圍牆　盧巧音
曲: 藍奕邦 | 詞: 游思行 ; 梁翹柏 | 編 : 梁翹柏 | 監: 梁翹柏 ; gordon'o yang  盧巧音

四歲半 我看格鬥武士 你就當一般的爛漫天真
到八歲 要看世界意義 你答案太敷衍得傷我心
我的畫紙人生 早已畫滿疑問
你那低一級的口吻 我怎麼敢開口笑愚笨

我慣了 叫你滿意以後 四面窗壁中安靜尋開心
你也會 暖暖我的小手 隔一套羽絨衣抱抱我的身
你愛得多認真 心裡夢仍然被幽禁
也許只不過搬不了課文 沒法清楚表跡
難明白我 蘊藏著遺憾

成長之中有萬重帳幕 永遠碰不到兩份愛
孤癖的我漸成冷漠 看我世界裡的海
言語卻說不開 長高的我 漸建起圍牆
圍著我笑看怪異時代 收音機繼續開

你與我 這個間隔以外 已沒有親暱的人還可親
我對你 永遠專一不改 你高興我都知道替你開心
我的精彩人生 長到如藤蔓地吸引
也許不須教怎麼去做人 讓我升空高飛
原來造美 珠光寶劍如是送贈

成長之中有萬重帳幕 永遠碰不到兩份愛
孤癖的我漸成冷漠 看我世界裡的海
言語卻說不開 不干擾我 就已包著愛
埋在細沙裡讓我拾回來

收音機聽過 你有你的歌
這晚裡讓怨曲照著床
那一個憂鬱的你 或已經想不起
童年極美 存留糖葫蘆甜味

成長之中有萬重帳幕 永遠碰不到兩份愛
孤癖的我漸成冷漠 走進新的天空任天開
無法訴說的愛 今天的我 驗證這圍牆
圍著我笑看燦爛時代 可有需要變改

成長之中有萬重帳幕 永遠碰不到兩份愛
孤癖的我漸成冷漠 看我世界裡的海
言語卻說不開 不干擾我 就已包著愛
埋在細沙裡讓我拾回來
-------------------------------------------------


其實上年林夕亦有寫過歌詞是關於自閉的，是劉德華的『紅顏自閉』，
不過歌詞略嫌生硬，不及這首詞的真摰。

************************************
一直都對盧巧音很有好感，
很喜歡她獨有的聲線，
還喜歡她似是倔強的性格和對音樂的堅持。
自2005年之後就不見了她的縱影，
還擔心她步王菲的後塵，退出歌壇。
好彩她現在轉投新唱片公司，繼續她的堅持。
-----------------------------------------------------------------
找不到盧巧音的原唱版, 只找到藍奕邦...

----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

拉闊十年

這是在8月4日看完拉闊後感~
好驚喜可以免費拿到兩張拉闊飛！而且仲要是我滿心期待的拉闊十年，有我 最鐘意的『華星二寶』！

去到的時候，發現是坐最後的一行，好遠，不過免費都不可要求得太多！

全個演唱會，最深刻印像是陳奕 迅，eason今次唱得好投入，還唱了好多舊歌，好似《時代曲》，《我的快樂時代》，《反高潮》都有唱，而且看得出eason為這個音樂會做了好多準備， 最動人的一部份是他和一群中學生一起合唱《時代曲》，陳奕迅唱得好激昂又唱得好有energy。其實eason在全個演唱會都是這樣，唱得好癲，好有力量， 雖然這樣唱不會是零瑕疵的演繹，但這樣反而能夠感動人心，使觀眾感受到歌者的感受，我覺得今次eason的演出比他演唱會更能感動我呢！

還有一幕是陳奕迅唱出一首送給張國榮的歌，歌名是《不求人》，是林夕填詞的；那時我就在想林夕那個時候靜悄悄的寫了這首歌給哥哥，那一刻覺得好傷感，亦都好感受到當時林夕對哥哥逝去的感受！

總括來說，這個音樂會其實只是陳奕迅，楊千嬅，何韻詩三個輪流唱，可以算是各人做自己那部份，真正合作不多。 最初以為他們五個人會合作創作出一些東西來，結果是沒有，很散！
----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too

15 年 來 代 譜 心 聲 林 夕 披 露 拍 檔 心 意

我想一首歌應該以原作者的意思解讀為最好，其實一直不喜歡有些人對歌詞憑空想像，好似《左右手》這首歌，我就聽過我同事話這首歌是講同性戀，因為『從那天起我戀上我左手、從那天起我討厭我右手』，而男左女右，所以GAY的男仕會戴一隻耳環是左邊。其實報紙都已經否認過這個解讀，可惜這些謠傳還是不斷傳！


－－－－－－－－－－－－－－－－－－－－－－－－－－－－


蘋果日報 娛樂版 2003年4月

15 年 來 代 譜 心 聲 　 林 夕 披 露 拍 檔 心 意
張 國 榮 以 《 我 》 宣 示 性 取 向

自 一 九 九 七 年 張 國 榮 宣 布 復 出 樂 壇 ， 絕 大 部 份 歌 詞 均 由 林 夕 包 辦 ， 他 可 說 是 以文 字 策 動 張 國 榮 內 心 世 界 的 一 個 重 要 舵 手 。 在 為 張 國 榮 填 寫 的 多 首 作 品 中 ， 林夕 表 示 《 我 》 、 《 夢 到 內 河 》 及 《 夜 有 所 夢 》 均 令 他 牽 起 回 憶 ， 他 更 首 次 談 及《 我 》 才 是 張 國 榮 承 認 同 志 身 份 的 自 白 。

林 夕 為 張 國 榮 （ 哥 哥 ） 寫 過 無 數 令 人 感 動 、 有 意 境 的 歌 詞 ， 在 動 筆 之 前 ， 追 求完 美 的 張 國 榮 是 否 每 次 都 與 他 討 論 ？ 林 夕 日 前 接 受 本 報 訪 問 時 說 ： 「 反 而 好 少， 我 大 部 份 作 品 都 係 靠 觸 摸 。 在 我 而 言 ， 同 歌 手 有 距 離 重 好 ， 同 哥 哥 合 作 咁 耐， 都 係 交 詞 畀 佢 唱 ， 唯 一 佢 指 明 有 要 求 係 《 紅 》 呢 個 大 碟 名 ， 重 有 國 語 歌 《 我》 ， 佢 亦 都 指 定 第 一 句 要 係 『 I am what I am 』 ， 而 佢 最 近 錄o既 新 歌 ， 佢 都 話 唔好 寫 唔 開 心 。 」

公 開 身 份 夠 勇 敢
張 國 榮 這 次 離 去 ， 是 有 勇 氣 抑 或 是 逃 避 的 舉 動 ， 每 個 人 都 可 以 有 其 想 法 ， 反 而在 歌 詞 上 ， 年 前 一 首 《 左 右 手 》 被 外 界 認 定 是 宣 示 其 性 取 向 之 作 。 林 夕 在 電話 中 說 出 真 相 ， 他 說 ： 「 呢 首 歌 佢 之 前 冇 同 我 傾 過 ， 係 我 自 己 想 寫 用 一 隻手 擁 抱 ， 一 隻 手 告 別 ， 呢 個 係 一 個 好 大o既 誤 解 。 反 而 《 我 》 呢 首 歌 先 至 係哥 哥 想 講 自 己 係 同 志 身 份 呢 樣o野 ， 首 歌 頭 兩 句 『 我 永 遠 都 愛 這 樣 的 我 』 ，係 自 佢 睇 過 一 套 戲o既 對 白 『 I am what I am 』 ， 本 地 歌 手o黎 講 ， 哥 哥 呢 個come out 剖 白 係 一 個 好 勇 敢o既 行 為 。 」

戰 友 離 去 感 窒 息
問 林 夕 以 歌 詞 觸 及 張 國 榮 內 心 世 界 多 年 ， 他 認 識 的 張 國 榮 是 一 個 甚 麼 樣 的 人 ？林 夕 說 ： 「 我 相 信 一 個 做 戲 咁 好o既 人 ， 性 格 一 定 係 好 複 雜 ， 一 方 面 好 自 信 ，另 一 方 面 又 好 缺 乏 安 全 感 。 佢 係 一 個 好 全 面o既名 牌 ， 名 牌 唔 係 咁 易 有 ， 十 年 都冇 一 個 ，依 家 無 喇 喇 冇 o左 ， 我 聽 到 佢o既 死 訊 ， 即 時 好 似o抖 唔 到 氣 ， 個 心 好 似冇o左o的o野 咁 。 」
林 夕 坦 言 自 己 是 張 國 榮 的 歌 迷 ， 第 一 首 他 為 偶 像 填 的 詞 是 八 八 年 的 《 無 需 要 太多 》 ， 他 說 ： 「 當 時 好 開 心 ， 而 且 一 直 我o地 都 算 好 夾 ， 我 好 感 激 佢 對 我o既 信任 。 另 外 重 有 兩 首 詞 係 我 想 講 ， 係 《 夢 到 內 河 》 ， 哥 哥 對 歌 詞 有 疑 問 同 意 見， 佢 認 為 首 歌 氣 氛 過 份 沉 鬱 ， 但 我 就 覺 得 咁 樣 寫 有 味 道 ， 最 終 哥 哥 亦 都 俾我 說 服 。 而 《 夜 有 所 夢 》 我 自 己 覺 得 好 遺 憾 ， 首 歌 係 寫 一 個 人 夜 晚 黑訓 唔 到， 其 實 我 係 寫 自 己 ， 但 我 冇 將 呢 樣o野 話 畀 佢 聽 ， 我 諗 話左會 好o的 。 」

遺 作 已 錄 好 三 首
林 夕 並 透 露 張 國 榮 本 在 錄 音 的 新 唱 片 ， 已 錄 好 了 三 首 歌 ， 他 交 了 歌 詞 的 則 有 五首 ， 他 說 ： 「 大 約 三 個 禮 拜 前 ， 佢 重係 錄 音 室 打俾我 話 睇 唔 清 楚o的 歌 詞 。 」 回憶 對 上 一 次 碰 面 ， 林 夕 說 ： 「 兩 個 月 前 有 次 食 飯 撞 到 佢 ， 我 一 見 到 佢 重 驚 佢 追我 歌 詞 ， 點 知 佢 淨 係 叫 我 小 心 身 體 ， 佢 話 ： 『 你 睇 我 幾 健 康 幾 大 隻 ， 我 呢 排 好勤 力 游 水 打 波 呀 。 』 」
最 後 ， 林 夕 坦 言 填 詞 多 年 ， 有 些 歌 手 是 特 別 用 心 的 ， 當 然 包 括 張 國 榮 ， 林 夕 在電 話 筒 中 乏 力 地 說 ： 「 佢 去左 ， 就 好 似 心 血 同 佢 一 齊 去 咁 ， 真 係 一 言 難 盡 。 」而 林 夕 更 為 張 國 榮 靈 堂 的 紀 念 冊 撰 寫 文 字 。----------------------------------------------------
想得到最新既資訊, 請like我既facebook page!

我們都是聽粵語流行曲長大的 | Promote your Page too