Appledaily 2013/12/20
【填詞人最多用咩字？】 一秒鐘識寫林夕靚詞
要識用「寂寞」同「心」
李宗盛同林夕嘅詞，好多人都讚。 適中字型 較大字型 李宗盛同林夕嘅詞，好多人都讚。 雖然成日都好多人話，樂壇已死，啲五、六十後又唔明依家啲詞人寫咩，不過其實仲有好多好詞人，網民依然好欣賞，好似林夕同方文山咁，寫嘅出名華麗又有意境。
近日就有網民將李宗盛、方文山、五月天、林夕嘅歌詞做咗個初步統計，寫咗一篇《一秒鐘學會寫大歌星的歌詞》文章喺網上流傳，破解到呢班盛產靚詞嘅填詞/音樂人有慣用詞彙，仲話只要掌握到個方法，人人都可以寫到呢班填詞人形式嘅詞，有冇咁簡單呢?
根據個統計指，林夕多用「寂寞、心」等等嘅字，而且風格含有佛理，又唔會好明顯咁表露情感，反而會暗暗抒發，更以王菲嘅《約定》做舉例，被讚賞華麗又蒼涼。
而好受年輕一輩歡迎嘅台灣樂隊五月天，被統計到多用「永遠、世界、最後、吻」等等嘅字，被形容特色較為「貼近生活、寫法直抒胸臆，大膽直白，寫實多過寫虛，而且風格充滿陽光活力。」仲話如果做人太陰沉、就寫唔到五月天嗰種勵志、溫柔嘅味道。五月天嘅阿信睇到呢篇文章，喺微博度寫：「哈哈，這是真的嗎？ p.s. 為什麼沒有我的詞神黃偉文？」係喎，點解冇黃偉文嘅！？ 至於同周杰倫經常合作嘅方文山，被統計過多用「香、愛、像」呢啲字，仲被發現佢鍾意用名詞做意境，文字嘅風格比較鍾意用古風嘅詞彙。要學方文山寫嘅詞，修辭手法要多啲寓情於景，先用景物表達意象，後再抒情。而李宗盛就被發現多用「寂寞、愛情、回頭」等等嘅字，被指唔會浮誇用詞，而且點到即止，中肯又到肉，而用字都係好樸實平凡簡潔，仲教如果寫「李宗盛式」嘅詞，個人語文根底要高先做到
----------------------------------------------------
想得到最新既資訊, 請like我既facebook page!
我們都是聽粵語流行曲長大的 | Promote your Page too
沒有留言:
張貼留言