蘋果日報 2012.3.1025年前，一位活躍於地下樂壇的 band友，於《搖擺雙週刊》刊登了一則招募主音歌手的廣告，一位任職商台的 DJ去了應徵，經過面試，二人一拍即合，就這樣，劉以達和黃耀明組成了達明一派。
25年後的今天，他們為慶祝銀禧再次重聚，難得默契不變，作為達明一派的歌迷，心中感安慰之餘，也不期然想起一首歌—《今天應該很高興》。 撰文：李珮洳
達明一派 25年來多次離離合合，亦因此一次又一次傳出不和，猶記得對上一則有關他們的新聞，就是說兩人本來獲邀開騷，卻因不和告吹……而「不和傳聞」，就成了這個訪問的第一條問題。
黃耀明有點沒好氣的笑着說：「仲問呢個問題？之前咪澄清過囉，不和係人哋套上去嘅，今日見到我哋兩個坐埋一齊，咁仲叫不和？過咗去嘅嘢唔好再提。」事實上，在訪問拍照期間，明哥總會不時為劉以達整理衣服，阿達也會先看看明哥再擺出適合的甫士及表情作配合，默契十足。
問到這次重聚是誰人先作主動？阿達絞盡腦汁也想不起來：「我唔記得邊個打畀邊個先啦，總之大半年前我約明哥喺九龍酒店見面，一傾就傾咗幾粒鐘，幾年冇見，當然好多嘢傾，當時都冇傾過要開騷㗎！」明哥補充說：「其實之前經理人、唱片公司都有叫我哋搞，但阿達又忙自己嘢，我又要出碟又返內地，一直都唔成事，咁啱今年係達明 25年，其實下個月已經係 26年啦，加上有檔期就開啦！」結果「達明一派兜兜轉轉演演唱唱會」鐵定於 4月 20至 23日於紅館舉行。
今天達明重聚開騷慶祝銀禧，並不打算推出新大碟，但卻會把當年《排名不分先後左右忠奸（無大無細超）》配合現今這個年代重新填詞。那麼，歌中第一句歌詞的「鄧小平」，會否改為「唐英年」？阿達即哈哈大笑說：「你哋都估到啦，都係呢啲人啦，家唔唱佢唱邊個喎，總之呢首歌幾時改啲人名落去都啱。」
至於演唱會內容，他們仍在商討中，惟一已肯定的是，明哥堅持這次要用上較好的音響：「入場睇我哋嘅人一定唔係要睇啲乜嘢特別視覺效果，唔係睇我跳舞，所以今次我要求訂一套貴啲嘅音響，請日本工程師過嚟， band大部份都係人山人海。」畢竟這是一個慶祝達明一派的演唱會，明哥表示，演唱會上也不會演唱太多個人的作品。
兄弟少嗌交
自 04年「達明一派為人民服務演唱會」後，事隔八年再開騷，明哥覺得拍檔變得比從前圓滑：「當然，有邊個係冇缺點呀？但唔一定要改囉。大家忍受唔到咪停吓囉，以前發覺大家音樂路向唔再一樣，夾硬做落去都唔係好事，因為唔會再有進步空間，但今次再合作大家感覺好舒服。」而阿達則覺得現時的明哥多了一份妥協及溫和：「其實以前我又比較細路仔，我哋以前都好少嗌交，第一晚傾唔成，咪返去諗一晚第二晚先再傾囉。」
25年，人和事總會變，但默契這回事卻只會隨年月有增無減，正如最後問到二人選擇一首最喜歡的達明作品，他們竟同樣異口同聲揀選了《今天應該很高興》。
化妝： Cathy Hau（ Colour Corner）
髮型： Ivan Lee（ Headquarters）
服裝提供： Burberry
場地提供： IL Caffe說起 25年前達明一派的組成經過，曾拍笑片的阿達認真又搞笑地娓娓道來：「以前我已經喺地下樂壇搞搞震，自己本身隊 DLLM解散後，就想搵番條友唱歌同我夾 band，家就話上網搵人啫，嗰陣冇嘛，咁我就喺《搖擺雙週刊》登咗個細細格廣告，嗰時蔡一傑同蔡一智都有嚟見過，之後有一日就收到明哥嘅電話，咪約佢上嚟見吓面、搞吓嘢囉，點知一搞就兩、三粒鐘啦！」
當時任職 DJ的明哥說，跟阿達見面後，原來等了兩個月仍沒收到回覆，以為阿達已另覓人選。
俞琤穿針引線明哥續說：「我當時諗住一定唔得，如果 OK一定好快有消息，等咗幾個月都冇，打算放棄，後來有一日收到阿達電話，咁咪錄 demo囉。因為我做電台，識得俞琤，佢幫我哋交啲歌畀唱片公司，最後揀咗寶麗金。」 ----------------------------------------------------
想得到最新既資訊, 請like我既facebook page!
我們都是聽粵語流行曲長大的 | Promote your Page too
25年後的今天，他們為慶祝銀禧再次重聚，難得默契不變，作為達明一派的歌迷，心中感安慰之餘，也不期然想起一首歌—《今天應該很高興》。 撰文：李珮洳
達明一派 25年來多次離離合合，亦因此一次又一次傳出不和，猶記得對上一則有關他們的新聞，就是說兩人本來獲邀開騷，卻因不和告吹……而「不和傳聞」，就成了這個訪問的第一條問題。
黃耀明有點沒好氣的笑着說：「仲問呢個問題？之前咪澄清過囉，不和係人哋套上去嘅，今日見到我哋兩個坐埋一齊，咁仲叫不和？過咗去嘅嘢唔好再提。」事實上，在訪問拍照期間，明哥總會不時為劉以達整理衣服，阿達也會先看看明哥再擺出適合的甫士及表情作配合，默契十足。
問到這次重聚是誰人先作主動？阿達絞盡腦汁也想不起來：「我唔記得邊個打畀邊個先啦，總之大半年前我約明哥喺九龍酒店見面，一傾就傾咗幾粒鐘，幾年冇見，當然好多嘢傾，當時都冇傾過要開騷㗎！」明哥補充說：「其實之前經理人、唱片公司都有叫我哋搞，但阿達又忙自己嘢，我又要出碟又返內地，一直都唔成事，咁啱今年係達明 25年，其實下個月已經係 26年啦，加上有檔期就開啦！」結果「達明一派兜兜轉轉演演唱唱會」鐵定於 4月 20至 23日於紅館舉行。
今天達明重聚開騷慶祝銀禧，並不打算推出新大碟，但卻會把當年《排名不分先後左右忠奸（無大無細超）》配合現今這個年代重新填詞。那麼，歌中第一句歌詞的「鄧小平」，會否改為「唐英年」？阿達即哈哈大笑說：「你哋都估到啦，都係呢啲人啦，家唔唱佢唱邊個喎，總之呢首歌幾時改啲人名落去都啱。」
至於演唱會內容，他們仍在商討中，惟一已肯定的是，明哥堅持這次要用上較好的音響：「入場睇我哋嘅人一定唔係要睇啲乜嘢特別視覺效果，唔係睇我跳舞，所以今次我要求訂一套貴啲嘅音響，請日本工程師過嚟， band大部份都係人山人海。」畢竟這是一個慶祝達明一派的演唱會，明哥表示，演唱會上也不會演唱太多個人的作品。
兄弟少嗌交
自 04年「達明一派為人民服務演唱會」後，事隔八年再開騷，明哥覺得拍檔變得比從前圓滑：「當然，有邊個係冇缺點呀？但唔一定要改囉。大家忍受唔到咪停吓囉，以前發覺大家音樂路向唔再一樣，夾硬做落去都唔係好事，因為唔會再有進步空間，但今次再合作大家感覺好舒服。」而阿達則覺得現時的明哥多了一份妥協及溫和：「其實以前我又比較細路仔，我哋以前都好少嗌交，第一晚傾唔成，咪返去諗一晚第二晚先再傾囉。」
25年，人和事總會變，但默契這回事卻只會隨年月有增無減，正如最後問到二人選擇一首最喜歡的達明作品，他們竟同樣異口同聲揀選了《今天應該很高興》。
化妝： Cathy Hau（ Colour Corner）
髮型： Ivan Lee（ Headquarters）
服裝提供： Burberry
場地提供： IL Caffe說起 25年前達明一派的組成經過，曾拍笑片的阿達認真又搞笑地娓娓道來：「以前我已經喺地下樂壇搞搞震，自己本身隊 DLLM解散後，就想搵番條友唱歌同我夾 band，家就話上網搵人啫，嗰陣冇嘛，咁我就喺《搖擺雙週刊》登咗個細細格廣告，嗰時蔡一傑同蔡一智都有嚟見過，之後有一日就收到明哥嘅電話，咪約佢上嚟見吓面、搞吓嘢囉，點知一搞就兩、三粒鐘啦！」
當時任職 DJ的明哥說，跟阿達見面後，原來等了兩個月仍沒收到回覆，以為阿達已另覓人選。
俞琤穿針引線明哥續說：「我當時諗住一定唔得，如果 OK一定好快有消息，等咗幾個月都冇，打算放棄，後來有一日收到阿達電話，咁咪錄 demo囉。因為我做電台，識得俞琤，佢幫我哋交啲歌畀唱片公司，最後揀咗寶麗金。」 ----------------------------------------------------
想得到最新既資訊, 請like我既facebook page!
我們都是聽粵語流行曲長大的 | Promote your Page too
沒有留言:
張貼留言